11 persona kanë vdekur nga të ftohtit në Siri, duke përfshirë edhe shtatë fëmijë. Vdekjet janë shënuar vetëm në javën e fundit, për shkak të kushteve ekstreme të motit.

Stuhitë e dëborës goditi një pjesë të madhe të Sirisë dhe shkaktoi vdekjen e gjashtë njerëzve, tha Observatori sirian për të Drejtat e Njeriut, pas raportimit të vdekjes së një fëmije dhe një burri.

Organizata theksoi se viktimat përfshinin një fëmijë nga qyteti i Abu Kamal, një burrë nga qyteti i Al-Mayadeen në periferi Deir Ez-zor, dy motra binjake nga lagjja El-firdeus në qytetin e Aleppos, një burrë nga lagjen Al-Maghayer në qytetin e Aleppo, një fëmijë nga Beit Sahem në Damask, dhe një fëmijë në periferi të Daraas.

Sipas Observatorit, viktimat vdiqën si rezultat i temperaturave jashtëzakonisht të ulëta dhe mungesës së ngrohjes.

Observatori raportoi vdekjen e pesë personave të tjerë në mes të së mërkurës dhe të dielës, për të njëjtën arsye.

Zonat nën kontrollin e luftëtarëve të opozitës vuajnë nga mungesa eë konsiderueshme e karburanteve, ngrohjes dhe mjekëve.

Stuhia e dëborës shkaktoi vdekje edhe në mesin e refugjatëve sirianë që jetojnë në vendet fqinje, duke përfshirë edhe dy persona që vdiqën në Liban të mërkurën. /KBI-Bujanoc.com/