Buldozerë të ushtrisë izraelite të mërkurën provokuan me disa manovra të kufizuara në qytetin palestinez Rafah, në jug të Rripit të Gazës, ndërsa aeroplanët e vëzhgimit izraelit fluturuan mbi zonë.

Buldozerët ishin shtyrë rreth 100 metra në Rafahun lindor, njofton gazetari i Anadolu Agency.

Sipas dëshmitarëve okular, ata u zhvendosën në një zonë ku Izraeli humbi një prej ushtarëve të vet gjatë sulmit 51-ditor në Rripin e Gazës.

Izraeli akuzon Ezzeddin al-Qassam, krahun e armatosur të Hamas, se mbanë eshtrat e një ushtari të vdekur në Rafahun lindore gjatë betejave të muajit të kaluar.

Brigadat, nga ana e tyre nuk i kanë konfirmuar e as mohuar akuzat.

Kjo ishte hera e parë që forcat izraelite hynë në enklavën e sulmuar bregdetare, që kur negociatorët izraelitë dhe palestinezë nënshkruan një marrëveshje për armëpushim në Kajro.

Ushtria izraelite ende nuk lëshojë ndonjë deklaratë zyrtare në lidhje me inkursionin e së mërkurës.

Lufta 51-ditore në Gaza, e cila zgjati nga 7 korriku - 26 gusht, la 2,148 palestinezë të vrarë- shumica e tyre civilë - dhe më shumë se 11.000 të plagosur. /KBI-Bujanoc.com/