Marrja e Azazit dhe Mareas nga ana e militantëve mund të jetë një goditje fatale për opozitarët.

Opozitarët sirianë arritën të mbrojnë rajonin e Mareas, njëri prej bastioneve të tyre në provincën e Halepit, përball një avancimi të shpejtë të militantëve të Shtetit Islamik (ISIS), sipas një OJQ-je.

“Luftimet ishin shumë të ashpra sot mes palëve në konflikt në rrethinat e Mareas, që ndodhet në veri të Halepit”, raportoi Vëzhguesi Sirian i të Drejtave të Njeriut (OSDH).

ISIS-i, grupim i fuqishëm ekstremist që ka terrorizuar Irakun dhe Sirinë, avancon rrezikshëm drejt bastioneve rebele të Marea dhe Azaz, pasi arritën të marrin në vetëm tre ditë disa dhjetëra lokalitete në provincën e Halepit që është në kufij me Turqinë.

Marrja e Azazit dhe Mareas nga ana e militantëve mund të jetë një goditje fatale për opozitarët që përpiqet prej tre vitesh të rrëzojë pushtetin e Damaskut dhe njëkohësisht luftojnë edhe kundër ISIS-it. /KBI-Bujanoc.com/