Të paktën 46 vetë u vranë gjatë operacioneve në të gjithë Sirinë të dielën nga forcat besnike të regjimit të presidentit Asad, sipas aktivistëve opozitar.

Rrjeti opozitar me bazë në Londër tha se sulmet e rënda të artilerisë nga forcat e regjimit vranë 21 njerëz në Halep, 16 në rrethinë të Damaskut, katër në Daraa dhe Hama dhe një në Homs.

Nga ana e regjimit thonë se kanë “neutralizuar” një numër të grupeve të armatosura në Halep, Idlib, Daraa dhe periferi të Damaskut.

Në një raport të veçantë Komisioni i Përgjithshëm i Revolucionit Sirian i cili përfaqëson shumicën e grupeve të opozitës njoftoi se regjimi vazhdon të përdorë bombat me fuçi në zonat e kontrolluara nga opozita./KBI-Bujanoc.com/